📣📣📣🇦🇺🇲🇳 АВСТРАЛИ УЛСЫН СИДНЕЙ ХОТОД ЗОХИОГДОХ "MADE IN MONGOLIA -2025" ЭКСПОД ОРОЛЦОХ "ЖИЖИГ, ДУНД ҮЙЛДВЭР ЭРХЛЭГЧ" НАРЫН БҮРТГЭЛ ЭХЭЛЛЭЭ 🤗

Mongolian Days 2023

Mongolian Days 2023 https://www.mongoliandays.com/

Дэлхийн экспортыг дэмжих чуулга уулзалтын хүрээнд зохион байгуулах Экспортод чиглэсэн бүтээгдэхүүний үзэсгэлэн худалдааны бүртгэл эхэллээ.

Үзэсгэлэн худалдаа 2023.06.25-28-ны өдрүүдэд Сүхбаатарын талбайд зохион байгуулна. 📣Үзэсгэлэнд оролцогчдод олдох боломжууд: 🔴Дэлхийн экспортыг дэмжих чуулга уулзалтад оролцож байгаа төлөөлөгчдөд өөрийн үйлдвэрлэсэн бүтээгдэхүүнийг танилцуулах, хамтарч ажиллах боломжийг илэрхийлэх; 🔴Бүтээгдэхүүн экспортлоход тулгамдаж байгаа асуудлаа танилцуулж, шийдвэрлэх боломжийг судлуулах; 🔴Хөрөнгө оруулалт, хөнгөлөлттэй зээлийн төсөл танилцуулах; 🔴Чуулга уулзалтад оролцогчид болон олон нийтэд бүтээгдэхүүний борлуулалт хийх; 🔴Олон улсын худалдааны төвийн логог бүтээгдэхүүндээ байршуулах; 💠Үзэсгэлэн оролцогчдод тавигдах шаардлага: ✅Экспортод бүтээгдэхүүн гаргадаг эсхүл экспортыг чиглэсэн бүтээгдэхүүн үйлдвэрлэдэг байх; ✅Бүтээгдэхүүний танилцуулга мэдээллийг англи хэл дээр бэлтгэх; ✅Үзэсгэлэнгийн өдрүүдэд төв талбайн үзэсгэлэнд бүрэн оролцох боломжтой байх; ℹ️ Жижиг, дунд үйлдвэрийн газраас зөвхөн шаардлага хангасан дотоодын бүтээгдэхүүн үйлдвэрлэгчтэй холбогдож үзэсгэлэнд оролцох мэдээлэл хүргэнэ. 👉Бүртгэлийн линк: https://forms.gle/pJut5BsoeTQ3Bbbu9

Нэг суурин Нэг бүтээгдэхүүн

БҮРТГҮҮЛЭХ ХОЛБООС: https://forms.gle/7nu4mhuLKTxALW2aA

Дэлгэрэнгүй мэдээллийг 77485555-3 утсаар лавлана уу.

БНСУ-ЫН ЖИЖИГ, ДУНД БИЗНЕСҮҮДИЙН ХОЛБООНЫ ДАРГАТАЙ УУЛЗЛАА

Жижиг, дунд үйлдвэрийн газрын дарга Я.Эрдэнэсайхан өчигдөр /2022.10.12/ БНСУ-ын Солонгосын ЖДҮ-ийн холбоо /KBIZ/ - ны дэд дарга Жонг Юүн Му –тай уулзлаа. Уулзалтын үеэр ЖДҮГ-ын дарга Я.Эрдэнэсайхан “Монголд үйлдвэрлэв 2022, БНСУ-д” арга хэмжээ амжилттай болсон тухай дурдаад цаашид KBIZ-ийн зохион байгуулдаг үзэсгэлэнгүүдэд Монголын ААН-үүдийг оролцуулах, сургалтад хамруулах, ЖДҮ-тэй танилцуулах, туршлага судлах тал дээр хамтарч ажиллах хүсэлтэй байгаагаа илэрхийлэв. KBIZ –ийн дэд дарга Жонг Юүн Му уулзалтын үеэр Монгол Улс бол Солонгосын 4 дэх том харилцагч. Монгол руу экспортолж буй бараа бүтээгдэхүүн 107 хувь болж нэмэгдсэний 60%-ийг ЖДҮ-чид нийлүүлж байгааг онцолсон юм. Түүнчлэн дараагийн арга хэмжээнд Солонгосын ЖДҮ-г урих нь зүйтэй. Монголын талаар мэдлэг, мэдээлэл дутуу зүйл байгаа байх. Тиймээс үзэсгэлэн зохион байгуулахаасаа өмнө Монголын бараа, бүтээгдэхүүний талаар Солонгос хэл мэдээлэл өгөх нь чухал ач холбогдолтойг хэлэв. Дашрамд дуулгахад тус холбоо нь 1962 онд байгуулагдсан бөгөөд Солонгосын жижиг, дунд үйлдвэрлэлийг дэмжих бодлогын хүрээнд нийт компаниудын 99%, ажиллагсдын 90%-ийг бүрдүүлдэг 6.8 сая ЖДҮ эрхлэгчдийн эрх ашгийг хамгаалах, эдийн засгийн байдлыг сайжруулах, үндэсний эдийн засгийн тэнцвэртэй хөгжлийг дэмжих зорилготой байгууллага юм.

БНСУ-д суугаа Элчин сайд, хатагтай Э.Сарантогостой уулзав

Жижиг, дунд үйлдвэрийн газрын дарга Я.Эрдэнэсайхан өнөөдөр /2022.10.11/ Монгол Улсаас БНСУ-д суугаа Элчин сайд, хатагтай Э.Сарантогостой уулзав. Уулзалтын үеэр Элчин сайд Э.Сарантогос энэ сарын 07-10-ны өдрүүдэд Сөүл хотноо зохион байгуулсан “Монголд үйлдвэрлэв 2022, БНСУ-д” арга хэмжээ ковидын дараа үйлдвэрлэгчдээ дэмжих, бизнесийг нь эрчимжүүлэх, экспортыг нэмэгдүүлэхэд үр дүнтэй ажил болсныг онцлоод цаашид Монголын ЖДҮ эрхлэгчдийг дэмжихийн тулд энэхүү үзэсгэлэнг жилдээ 2 удаа зохион байгуулж олон аж ахуйн нэгж оролцуулах санал гаргаж, дэмжиж ажиллахаа илэрхийлсэн байна. Түүнчлэн үзэсгэлэн зохион байгуулахаасаа өмнө хөтөлбөр төлөвлөгөөгөө ЭСЯ-тай урьдчилан тохирох, үзэсгэлэнд оролцож байгаа ААН-үүд Солонгос хэл дээр бараа, бүтээгдэхүүний танилцуулга болон шошгоо бэлдэх нь чухал ач холбогдолтойг хэлэв. Мөн Солонгост зохион байгуулагддаг үзэсгэлэнгүүдэд Монголын ААН-үүдийг оролцуулах, сургалтад хамруулах, үйлдвэрүүдтэй танилцуулах, туршлага судлуулах талаар хамтарч ажиллахаар тохиролцлоо.